InicioSociedadeO presidente do TSXG volverá pedir un novo Xulgado do Social para...

O presidente do TSXG volverá pedir un novo Xulgado do Social para Lugo

O presidente do TSXG apoia a creación dun Xulgado específico de Violencia de Xénero, pero cre que "nestes momentos" non se cumpren os mínimos esixidos para a súa instauración.

PUBLICADA O

- Advertisement -

O presidente do Tribunal Superior de Xustiza de Galicia (TSXG), José María Gómez y Díaz-Castroverde, anunciou este mércores nunha visita a Lugo que volverá pedir un novo Xulgado do Social para a provincia, debido ao colapso que rexistran os outros tres.

Esta demanda xa se expuxera o pasado ano, “pero non prosperou”, tal como lembrou Díaz-Castroverde nesta visita a Lugo, na que se reuniu con xuíces e avogados na Audiencia Provincial. “Os xulgados do Social de Lugo teñen unha carga de traballo que se sitúa no 146 por cento; é dicir, teñen unha cantidade de asuntos realmente importante que non se poden asumir cos xulgados que hai”, comentou.

NOVOS REFORZOS

Mentres se decide sobre a “creación” dese novo xulgado, Díaz-Castroverde asegurou que xa se expuxeron e aceptaron dous reforzos: “unha comisión de servizos xenérica e outra comisión de servizos para despedimentos”.

“Entendemos que con esa medida, aínda que non se pode remediar a situación completamente, si que se paliaría bastante esta circunstancia. Efectivamente, nós somos os primeiros en lamentar que haxa sinalizacións a dous anos vista, pero hai que matizar que os que son urxentes – os despedimentos- son anteriores, pero esta é unha situación que excede as posibilidades dos xulgados”, asegurou.

OUTROS ÓRGANOS

Outra reivindicación en Lugo pasa pola creación dun xulgado de violencia de xénero. Con todo, no que se refire a este órgano, Díaz-Castroverde dixo que había que ter en conta que “neste momento nos xulgados de Lugo o número (de casos) non alcanza o que esixiría a creación dun xulgado de violencia de xénero”, admitiu.

Na mesma liña, pronunciouse sobre a creación dun cuarto xulgado de Instrución. “A creación dos xulgados de Instrución está suxeita tamén aos criterios de módulos de entrada e nós non manexamos módulos de entrada que xustifiquen a creación dun novo xulgado de instrución”, concluíu.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...