InicioSociedadeO PP de Lugo pide á Xunta e ao Concello un "sistema"...

O PP de Lugo pide á Xunta e ao Concello un “sistema” para controlar os maiores que viven sós

O portavoz do Partido Popular no Concello de Lugo, Ramón Carballo, suxeriu este martes que a Xunta implemente un "sistema" para controlar a aqueles maiores que residen sós.

PUBLICADA O

- Advertisement -

O portavoz do Partido Popular no Concello de Lugo, Ramón Carballo, suxeriu este martes que a Xunta implemente un “sistema” para controlar aqueles maiores que residen sós.

Esta proposta chega logo de que a alcaldesa de Lugo, Lara Méndez, apuntase onte que “máis de 5.000” maiores de 65 anos viven sós na cidade. A rexedora manifestouno así na presentación dunhas xornadas para a atención de maiores. Os encontros celebranse en Lugo, un concello onde o 21’6% das persoas (máis de 21.400) teñen 65 ou máis anos.

Respecto diso, Carballo recoñeceu que este é un tema que “preocupa”. “Hai moitos maiores que viven sós na súa vivenda. Moitas veces levan días falecidos ou mal atendidos sen que ninguén se dea conta”, comentou o voceiro do PP. Por iso, apelou a que “Servizos Sociais do Concello” e “a Xunta de Galicia” sigan “avanzando e traballando nesa liña”, para que “eses maiores poidan ter algún sistema de comunicación” que facilite a atención das súas necesidades.

Carballo fixo fincapé nas circunstancias particulares das “54 parroquias rurais” de Lugo. “Hai que pór fondos e traballo dende os Servizos Sociais para poder detectar estes primeiros problemas” nestas zonas, dixo. Desa maneira poderíase reducir o número de caso de persoas maiores que falecen sen que ninguén repare niso ata días despois.

ÚLTIMAS

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...

Un policía local de Lugo fóra de servizo practica un RCP e sálvalle a vida

Un policía local de Lugo que se atopaba fóra de servizo practicou unha manobra de...