InicioMedioambiente e PatrimonioA USC premia ideas innovadoras de xestión territorial en Galicia

A USC premia ideas innovadoras de xestión territorial en Galicia

O Instituto de Biodiversidade Agraria e Desenvolvemento Rural (Ibader) de Lugo convoca a terceira edición do certame Rafael Crecente, dotado con 3.000 euros en metálico para as dúas propostas gañadoras.

PUBLICADA O

- Advertisement -

O Instituto de Biodiversidade Agraria e Desenvolvemento Rural de Lugo (Ibader) vén de convocar en colaboración co Laboratorio do Territorio (LaboraTE) da USC a terceira edición dos Premios Rafael Crecente a Iniciativas Innovadoras de Xestión Territorial. Estes galardóns foron creados en homenaxe á figura do profesor Rafael Crecente Maseda (1964-2015), considerado como un dos grandes expertos en xestión territorial de Galicia.

A terceira edición dos Premios Rafael Crecente a Iniciativas e Ideas Innovadoras de Xestión Territorial está dotada con 3.000 euros en metálico para as dúas propostas máis valoradas: 2.000 euros para a idea gañadora e 1.000 para a segunda iniciativa máis cualificada.

Este certame pretende servir de estímulo para impulsar a formulación e aplicación práctica de ideas relacionadas co desenvolvemento rural, a conservación do medio ambiente  ou a mellora da xestión territorial en sentido amplo en Galicia. Trátase dun concurso aberto á participación de todas aquelas persoas que remataran a súa titulación de grao ou máster nos últimos cinco anos. O prazo de presentación de candidaturas permanecerá aberto ata o 28 de febreiro de 2020 no enderezo electrónico premio.rafaelcrecente@usc.es.

O QUE SE VALORA

O Consello Científico do Ibader desenvolverá as funcións de comité avaliador, pero poderá solicitar o asesoramento de persoal experto externo. Os membros deste comité valorarán a viabilidade práctica da idea ou proxecto innovador, o impacto na sustentabilidade territorial e a xestión dos recursos en Galicia, así como os seus compoñentes de innovación social, como por exemplo, no eido da xestión da propiedade.

ÚLTIMAS

Foxe á carreira tras ser interceptado conducindo sen carné e tras consumir alcol e drogas

Un home de 31 anos de idade deuse á fuga na madrugada deste martes en Lugo...

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...