InicioSociedadeQue pasa coas ratas en Lugo?

Que pasa coas ratas en Lugo?

Estes roedores están causando numerosas incidencias en infraestruturas públicas.

PUBLICADA O

- Advertisement -

Deixar sen servizo toda unha rede de semáforos na Fonte dos Ranchos. Esa é a última conquista das ratas en Lugo. Uns roedores que non é a primeira vez que a montan na cidade e que xa teñen deixado sen luz a varios edificios da capital.

Este martes, o concelleiro de Infraestruturas Urbanas do Concello de Lugo, Alexandre Penas, deu conta dos incidentes que tiveron lugar na rede semafórica municipal, á altura de Fonte dos Ranchos, “debido a mordeduras de ratas que afectaron o cableado”.

Este é un incidente que se vén repetindo nos últimos tempos en varios puntos da cidade, polo que vimos de trasladar un informe á área de Medio Ambiente para que poidan estudar as posibilidades de realizar unha desratización nos puntos máis habituais deste tipo de incidentes e garantir o bo funcionamento da rede semafórica e de iluminación”, subliñou.

Neste punto tamén coincide o PPdeG. O seu portavoz municipal, Ramón Carballo, esixiu a “desratización urxente de Lugo” despois de coñecer o suceso ocorrido nos semáforos de Fonte dos Ranchos. “Ten que licitar de inmediato o contrato da rede semafórica de Lugo e que se inclúa mantemento dos mesmos 24 horas durante todo o ano para evitar situacións así”, dixo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...