O cóengo e vigairo xeral da Diocese, Mario Vázquez Carballo, foi reelixido como deán da Catedral de Lugo para o próximos catro anos.

Segundo informou a diocese nun comunicado, o pasado 21 de novembro, en sesión extraordinaria, o cabido catedralicio procedeu á elección de Mario Vázquez, nomeado agora polo bispo da diocese, monseñor Alfonso Carrasco.

Por outra banda, este venres, día 27, o seminario diocesano acollerá unha xornada de formación, que este ano está dedicada ao tema de Cáritas. Comezará ás 11,00 e finalizará sobre as 14,00 horas.

Na primeira parte, o vigairo de Pastoral da diocese, Luis Manuel Rodríguez, disertará sobre Cáritas na Igrexa, a súa fundamentación teolóxica pastoral e o pasado e presente da caridade no pensamento cristián. Na segunda parte darase a coñecer o labor concreto que realiza Cáritas diocesana de Lugo.