InicioSociedadeVai chegando o Apalpador... E Lugo prepara festa para recibilo

Vai chegando o Apalpador… E Lugo prepara festa para recibilo

Baile, contos, historias e foliada para darlle a benvida ao Xigante do Courel.

PUBLICADA O

- Advertisement -

Lugo está a piques de recibir o xigante do Courel. O sábado 21 é o día máis importante. A cidade engalanarase para anunciar a saída do Apalpador e para recibilo como merece á súa chegada a Lugo. Obradoiros de música e de baile tradicional na Praza Maior (e en caso de choiva, no Vello Cárcere) poñerán o toque musical á xornada.

Ás 16:30 h. terá lugar o obradoiro “Descubre a flora e fauna do Courel”; ás 17:00 h. relatarase o conto “Os camiños do Apalpador”; ás 17:30 h. chegará o Apalpador con castañas e agasallos; ás 18:15 h. desenvolverase o obradoiro “Troupelear e Cantos de Nadal; ás 19:00h faranse “Danzas en fitas”; e ás 19:30 h. comeza a foliada… Ata que o corpo aguante.

As actividades para recibir o Apalpador / Facebook Troupelear

Detrás de todas estas iniciativas está a Semente Lugo xunto coa Mesa pola Normalización Linguística, CS Mádia Leva, A Volta do Agro, Cántigas e Frores, Oxeito, Troupelear, Asociación Antonio Gandoy e Tradescola. Xuntas, e coa colaboración da Concellería de Cultura do Concello de Lugo, a Deputación de Lugo e as Librarías Trama, Biblos e a Biblioteca Pública Municipal de Lugo, presentan este ano un proxecto de animación e socialización da figura do Apalpador para fomentar a participación da cidadanía na visibilización do xigante do Courel.

Segundo explican as persoas organizadoras, durante todo o mes de decembro tamén impulsan recursos didácticos e produción cultural editada ao redor do Xigante Carboeiro. E nesta edición, os comercios do centro histórico tamén participan na promoción da figura do Apalpador de unha forma moi activa.

Para ir entonando de cara ao sábado, o venres 20 ás 20:00h. o salón de actos do Vello Cárcere acollerá tamén unha charla – coloquio a cargo de José André López González baixo o título “O Apalpador, da prehistoria para o futuro”, uns cantos apuntes a ter en conta sobre este importante persoaxe mitolóxico.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...