Críticas do colectivo feminista ao Concello de Lugo: “tratan ás mulleres coma se estivesen nunha perruquería”

A Plataforma Feminista de Lugo critica "pasividade" á hora de implantar o protocolo VioGen e censura "o mal funcionamento" da Casa dá Muller e a falta dun Xulgado de Violencia de Xénero.

O feminismo lucense pide
O feminismo lucense pide "non retroceder nin un milímetro" un ano despois das mobilizacións do 8-M | Plataforma Feminista de Lugo

A Plataforma Feminista de Lugo critica a “pasividade” por parte do Concello de Lugo á hora de implantar o protocolo VioGen no municipio, porque a pesar de ser aprobada a adhesión da administración local en pleno, aínda non foi posto en marcha para atender ás vítimas da violencia machista.

A portavoz da plataforma en Lugo, Ana Torrón, afirmou que Lugo ten que sumarse a unha ferramenta que xa está a funcionar noutros municipios galegos para protexer ás vítimas da violencia machista .”Na capital lucense quedamos moi ben, aprobámola en pleno e logo metémola nun caixón e non facemos nada”, suliñou.

Así mesmo, a plataforma tamén quixo denunciar o mal funcionamento da Casa da Muller de Lugo, porque “escasea o persoal preciso para atender a casos de urxencia” e “ante mulleres que chegan con esa problemática non ten sentido que se lles estea dando número, coma se fose nunha perruquer”.

CRÍTICAS Á XUNTA

Por outra banda, este colectivo tamén lamenta “a pouca vixilancia que hai nos puntos de encontro entre proxenitores e fillos”, que actualmente son xestionados por ONG’s e non por persoal especializado da Xunta de Galicia.

A plataforma convocou para esta noite, a partir das 20:00 horas, con motivo do Día Internacional contra a Violencia Machista, unha manifestación diante do Concello de Lugo, na que tamén volverá reclamar a creación na cidade dun “xulgado específico e especializado en violencia de xénero”.

Ana Torrón lembrou que, no que levamos de ano e segundo datos do Consello Xeral do Poder Xudicial (CGPJ), houbo 270 denuncias por malos tratos só en Lugo, ademais de 62 quebrantamentos de medidas de protección á muller e 19 denuncias por supostos delitos contra a liberdade sexual e a integridade moral.

DEIXAR UN COMENTARIO

Please enter your comment!
Please enter your name here