InicioCulturaMéndez advirtelle á Xunta que cumpla para converter o futuro Museo da...

Méndez advirtelle á Xunta que cumpla para converter o futuro Museo da Romanización nun “referente” en España

Asegura que hai que "dar pasos adiante" e en ningún caso "retroceder" con esta iniciativa que o concello impulsou no ano 2012.

PUBLICADA O

- Advertisement -

A alcaldesa de Lugo, Lara Méndez, asegura que o Museo da Romanización da cidade, a única do mundo que conserva integramente o trazado da súa muralla romana, sería un “referente nacional” se realmente chega a asentarse onde estaba previsto no ano 2009, no cuartel de San Fernando, un edificio no que se realizaron 16 catas arqueolóxicas e no que se poderían conservar vestixios in situ.

Ademais de tratarse dun edificio histórico, que foi declarado Ben de Interese Cultural pola Xunta de Galicia, lembrou que o cuartel de San Fernando ten un valor especial como posible sede do Museo da Romanización, pola súa localización, a poucos metros da muralla romana e polas mencionadas catas arqueolóxicas.

Méndez asegurou que hai que “dar pasos adiante” e en ningún caso “retroceder” para conseguir que o cuartel de San Fernando se converta no Museo da Romanización, porque se trata de seguir “cun proxecto iniciado” e que, ademais, conta co beneplácito dos “axentes económicos e sociais” de Lugo.

Segundo Méndez, a Xunta de Galicia ten que asumir a súa responsabilidade para evitar que este edificio, que é de titularidade municipal, siga degradándose, porque pola contra as consecuencias poderían ser “irreparables”. Ao seu xuízo, é o momento de retomar a iniciativa que no ano 2012 estaba en marcha, cando se sacou a adxudicación o proxecto para converter o cuartel no Museo da Romanización, cun investimento previsto por parte da Xunta de 10 millóns de euros.

De feito, asegurou que este museo será, sen dúbida, unha “referencia a nivel nacional” se finalmente se sitúa neste edificio, onde se realizaron no seu momento “16 catas arqueolóxicas”. Por outra banda, Méndez lembrou que o Concello de Lugo comprou no seu momento o cuartel para polo a disposición da Xunta, co compromiso por parte do goberno galego de facerse cargo da súa restauración.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...