InicioCulturaO busto do músico Xoán Montes regresa ao centro de Lugo

O busto do músico Xoán Montes regresa ao centro de Lugo

A figura quedará instalada na Praza Maior a finais de xaneiro.

PUBLICADA O

- Advertisement -

Despois dun debate que se prolongou durante anos, o concelleiro de Infraestruturas Urbanas, o nacionalista Alexandre Penas, anunciou que nos próximos días comezarán os traballos para desmontar o busto dedicado ao compositor galego Xoán Montes, que será trasladado á Praza Maior da cidade desde a súa localización actual, nos xardíns de San Roque.

O compositor Xoán Montes, autor entre outras obras da música de ‘Negra Sombra’, é considerado como un dos músicos máis representativos do século XIX.

Aínda que houbo quen defendeu no seu momento que o busto do compositor debía regresar á Praza de Santo Domingo, onde viviu o propio Xoán Montes, o concelleiro Alexandre Penas explicou que o emprazamento elixido para recolocar o busto do músico responde á “iniciativa de varios colectivos vinculados á cultura na cidade de Lugo”.

Colectivos, explicou, que lideraron un movemento social para volver situar no centro da cidade a figura de Xoán Montes e que propuxeron a Praza Maior, porque gran parte da “súa actividade musical” foi desenvolvida no palco da música de propia praza, no Círculo das Artes e na Catedral de Lugo.

Unha vez desmontado, o busto pasará por un proceso de restauración e limpeza -por parte dunha empresa especializada -que se prolongará durante un período de sete semanas e, en xaneiro, realizaranse na Praza Maior as escavacións arqueolóxicas previas á colocación da estrutura que suxeitará a escultura.

A montaxe do busto quedará finalizada na última semana de xaneiro.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...