Lugo será a capital gatuna de Galicia esta fin de semana coa inauguración, este sábado, do I Seminario de Xestión de Colonias Felinas. Este seminario ten como obxetivo servir como primeira actividade de formación de persoas xestoras de colonias felinas urbanas controladas.
Segundo apunta o Concello de Lugo, o I Seminario de Xestión de Colonias Felinas, vai dirixido a calquera persoa interesada polo tema e os e as asistintes poderán expor as súas dúbidas e inquedanzas.
No seminario presentarase a asociación ‘Michos de Lugo’ e o seminario sobre colonias felinas e falarase das áreas de protocolarización das colonias de gatos ferais a través de exemplos prácticos da man de ‘Micos do Barrio’. Tamén participará Sabela Fonseca, veterinaria e membra de AGAE, Asociación Galega de Adopción de Exóticos, que falará dos protocolos veterinarios, saúde e xigiene no control de colonias felinas. O encontro terá lugar o sábado 9 de novembro a partir das 16.30h no centro de convivencia Fingoi.