O vicepresidente da Xunta, Alfonso Rueda referiuse a os prazos da chegada do AVE a Galicia e a modernización da conexión ferroviaria con Lugo, despois de que o ministro en funcións de Fomento, José Luís Ábalos, trasladase nun mitin na capital da provincia que a conexión coa alta velocidade (en Ourense) chegaría a Lugo en 2021.
Rueda emprazou a que veñan a Galicia “os responsables do ministerio” e concretou que “o ministro sería o máis apropiado e tranquilizaría a todo o mundo dicindo cales son os prazos comprometidos desde hai tempo e cales son os que se van a cumprir”.
“Porque, se non, estar a dicir que esteamos tranquilos, que o AVE vai chegar e que non nos preocupemos, pero para estar tranquilos hai que falar de prazos, cronogramas, orzamentos e isto é o que estamos a pedir e é o que a xente está a esperar porque quere coñecer cando vai viaxar en AVE a Madrid ou cando os de Madrid poden vir aquí en AVE; todo o demais son promesas sen prazos e sen orzamentos, declaracións de tranquilidade en campaña electoral. Iso non tranquiliza, senón todo o contrario”, concluíu.