InicioEconomíaO Concello de Lugo apoia as reivindicacións e mobilizacións por Endesa e...

O Concello de Lugo apoia as reivindicacións e mobilizacións por Endesa e Alcoa

O nacionalista Rubén Arroxo subliñou que "a situación" que hai "tanto coa crise de Alcoa como a de Endesa nas Pontes, é un problema gordo e estratéxico de país".

PUBLICADA O

- Advertisement -

O goberno bipartito do Concello de Lugo, formado por socialistas e nacionalistas, expresaron este mércores o seu respaldo ás reivindicacións e mobilizacións pola situación das empresas de Endesa e Alcoa en Galicia.

Tras a xunta de goberno, o tenente de alcalde, o nacionalista Rubén Arroxo, manifestou, en presenza do portavoz local do PSOE, Miguel Fernández, que “igual” teñen “que responder cada un desde o seu punto de vista”, aínda que finalmente mostraron un apoio conxunto.

En calquera caso, Arroxo subliñou que ante “a situación” que hai “tanto coa crise de Alcoa como a de Endesa nas Pontes, é un problema gordo e estratéxico de país“.

Por iso, alertou de que “son miles de traballos directos e indirectos, de comarcas enteiras que dependen basicamente deste tipo de factorías, e non só comarcas, senón que afecta a quilómetros do contorno como se ve”.

“Eu podo dicir que desde a miña organización política (BNG) e desde a miña persoal imos apoiar todo aquilo que poidamos o que son este tipo de mobilizacións (incluída unha folga xeral do 16 de outubro) e o que son este tipo de reivindicacións”, abundou.

Pola súa banda, o portavoz socialista, Miguel Fernández, apelou a que “dado o volume do problema, que é dunha gran envergadura, implica a todas as administracións“.

Así, non escondeu que o PSOE local apoia “todas as reivindicacións”. “E seguirémolo facendo”, abundou. “É un problema realmente de país e no que entre todos debemos de buscarlle unha solución”, concluíu Fernández.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...