InicioSucesosOs efectos das treboadas en Lugo: tres estradas secundarias con problemas por...

Os efectos das treboadas en Lugo: tres estradas secundarias con problemas por asolagamento

Permanece activo o aviso meteorolóxico en Lugo, pero sen incidencias destacadas.

PUBLICADA O

- Advertisement -

As provincias de Lugo e Ourense manteñen activo o aviso meteorolóxico en todo o territorio, despois de que a xornada do pasado martes estivese marcada por aviso amarelo ante as chegada choivas e treboadas en todo o territorio.

Segundo as previsións de Meteogalicia, as zonas máis afectadas por esta situación durante o pasado martes eran as do interior, sobre todo Lugo e Ourense. Por esta razón ambas as rexións mantiveron activado un dispositivo de control durante todo o día, que no caso de Lugo volveuse a activar esta mañá e no de Ourense mantén as medidas xa tomadas na pasada xornada.

Pola súa banda, fontes do 112 Galicia informaron a Europa Press que non se rexistraron incidencias destacadas debido ao aviso meteorolóxico, que non levou ningunha activación de alerta en Galicia por parte da Dirección Xeral de Emerxencias.

En concreto, en Lugo contempláronse “incidencias moi leves”, pero impera a “tranquilidade”. A Deputación de Lugo explicou a Europa Press que o único feito destacado que consta é o “arrastre de maleza” en tres leiras que afectaron a tres estradas secundarias sobre as que levaron a cabo “labores de limpeza”.

Con todo, a institución provincial insistiu en que “a tranquilidade é absoluta” e este tres incidentes non foron “importantes”, xa que se deron nas vías secundarias de Ariapadrón cara a Samos (LU-P-5601), no Incio e no Courel.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...