Unha persoa de 38 anos morreu na noite deste domingo tras quedarse atrapada debaixo dun tractor no concello de Castroverde, segundo informou o servizo do 112 Galicia.
Ao fío das informacións achegadas polos operadores do 112 Galicia a través das súas redes sociais, a persoa morreu a pesar da intervención dos efectivos sanitarios que se desprazaron ata a zona do suceso, ocorrido na parroquia de Riomol.
En concreto, un helicóptero medicalizado acudiu a Castroverde tras recibir un aviso por parte dos servizos de emerxencias, pero finalmente “non se puido facer nada por salvar a vida” da persoa falecida, segundo relata o 112 Galicia.
