A Deputación de Lugo informou de que pon en marcha o plan de roza de rede viaria provincial máis extensa de España, que realizará en máis dunha quincena de municipios da provincia.

Nun comunicado, o Goberno provincial informa de que adxudicou actuacións que axudan a previr incendios, contribúen á seguridade viaria e á mellora da visibilidade.

Este plan, que se desenvolverá entre 2019 e 2020, dará emprego a autónomos e pequenas empresas da provincia, mentres se cumpre “o obxectivo” de “pór a punto os 4.300 quilómetros” das estradas que dependen da Deputación de face ao verán.

Os traballos, que comezarán en próximos días, conta cunha partida de case 2,5 millóns de euros. De tal forma, actuarase nos municipios de: Burela, Cervo, Foz, O Valadouro, Alfoz, Castro de Rei, Pol, Meira, Lugo, Guntín, Friol, O Páramo, Paradela, Sarria, Taboada e O Saviñao.