O sorteo da Bonoloto celebrado onte deixou un premio de case 57.000 euros na cidade de Lugo, nun boleto de segunda categoría selado pola Administración Número 3 de Lotarías.
Segundo informou a Delegación de Lotarías e Apostas do Estado en Lugo, trátase dun boleto con cinco acertos máis o complementario, premiado con 56.945 euros.
Ese boleto, un do tres de segunda categoría premiados en toda España, foi selado na administración situada no número 106 da Rúa Nova, en pleno centro histórico da cidade. Neste sorteo non houbo acertantes de primeira categoría.
