InicioLugo e contornaO PSOE de Lugo buscará formar "un goberno estable" co BNG

O PSOE de Lugo buscará formar “un goberno estable” co BNG

"Tivemos unha serie de contactos previos e mañá pola tarde teremos esa primeira reunión oficial e o obxectivo, creo que común, é conseguir ese goberno estable que cremos necesario para dar resposta ás necesidades dos veciños" din desde o PSOE.

PUBLICADA O

- Advertisement -

O portavoz do goberno local no Concello de Lugo, Miguel Fernández, avanzou que o PSOE buscará formar un “goberno estable” co BNG, grazas á suma dos oito concelleiros socialistas e cinco nacionalistas fronte os dez do PP e os dous de Ciudadanos.

Fernández participará este xoves na primeira reunión oficial entre ambas as formacións, na sala de comisións do Concello a partir das 17,00 horas. De cara o encontro, esgrimiu que o electorado de Lugo “dixo claramente que quería un goberno de esquerdas”. “E co BNG sumamos e podemos dar resposta a esa demanda da cidadanía”.

“Tivemos unha serie de contactos previos e mañá pola tarde teremos esa primeira reunión oficial e o obxectivo, creo que común, é conseguir ese goberno estable que cremos necesario para dar resposta ás necesidades dos veciños“, recalcou.

Fernández apelou a que “as dúas organizacións” teñen experiencia “de chegar a acordos en múltiples ocasións e en múltiples instancias”. De feito, hai vinte anos o ex alcalde Xosé López Orozco recorría a esta fórmula cos seus sete concelleiros e seis do BNG en 1999.

“Os obxectivos son os mesmos que é dar un goberno con estabilidade á cidade de Lugo. As relacións dos grupos municipais foron correctas e cordiais neste catro anos, cunha comunicación constante e permanente, e non teño dúbida que as negociacións serán cordiais porque nos une o mesmo“, presaxiou.

O portavoz en funcións deixou claro que “non se trata de confrontar senón de buscar puntos en común e estamos para servir aos veciños e dar solución ás súas demandas”. “Naqueles puntos onde pode haber formulacións diverxentes trataremos de falar, pero nunha negociación as partes deben ceder”.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...