A Unidade de Atención Temperá do HULA aumentou a súa actividade un 35% nos primeiros meses deste ano

Do mesmo xeito, aumentou o numero de novos pacientes atendidos entre xaneiro e abril, pasando de 28 a 47 en 2019, o que representa un incremento do 68%.

O primeiro bebé lucense do 2019 naceu no HULA | Grupo San José
HULA | Grupo San José

O conselleiro de Sanidade, Jesús Vázquez Almuiña, asegurou este mércores que a unidade de rehabilitación infantil e atención temperá do Hospital Lucus Augusti (Hula) aumentou a súa actividade un 35% durante o primeiros catro meses deste ano, con respecto ao mesmo período do ano anterior.

Así o dixo no Pleno en resposta a unha pregunta formulada pola deputada do BNG Olalla Rodil, que trasladou as “carencias” nesta unidade, que trata a nenos “altamente dependentes” e con “graves problemas de desenvolvemento”. Entre as reclamacións dos pais, dixo Rodil, está o incremento no horario de atención, que actualmente “é só de mañá”, e “máis persoal”.

Dentro da avaliación de fai a consellería, Jesús Vázquez explicou que o número de pacientes totais atendidos pasou de 423 durante o primeiros catro meses do ano pasado aos 571 do mesmo período do actual. Do mesmo xeito, aumentou o numero de novos pacientes atendidos entre xaneiro e abril, pasando de 28 a 47 en 2019, o que representa un incremento do 68%.

En canto ás sesións realizadas, no mesmo período, Almuiña informou de que en 2018 foron 1.990 e de 2.232 en 2019, un incremento do 12% e cunha atención “de calidade”, garantiu.

Na actualidade, a Unidade de rehabilitación atende a 116 nenos, dos que 22 realizan tratamento en dous ou máis unidades de atención temperá. Estes nenos reciben unha media dunha sesión semanal de tratamento de 45 minutos de duración en cada unidade de tratamento.

DEIXAR UN COMENTARIO

Please enter your comment!
Please enter your name here