InicioSociedadePersoal de banca reivindica nunha protesta en Lugo a recuperación salarial

Persoal de banca reivindica nunha protesta en Lugo a recuperación salarial

A mobilización foi convocada por CIG-Banca.

PUBLICADA O

- Advertisement -

Medio centenar de traballadores de banca participou este xoves na cidade de Lugo na xornada de mobilizacións pola “recuperación salarial, contra a presión comercial e a subida dos obxectivos no sector”. Así protestaron, tras a convocatoria de CIG-Banca que escolleu este lema, ante as sedes de distintas oficinas bancarias na cidade de Lugo, tanto de dentro de murallas como de fóra.

A delegada de CIG, Paula Mosquera, explicou que o que reivindican é “que a presión comercial se modere porque cada vez temos máis presión, os convenios non fixan cláusulas de revisión, sobe o IPC e non revisan os salarios a pesar de que os beneficios son maiores”.

Paula Mosquera, ademais de participar nas protestas na mañá deste xoves, acudiu a un xulgado do Social, ao número dous de Lugo, por unha denuncia interposta por ela mesma contra a oficina de Abanca no municipio da Pobra do Brollón, onde traballa.

Ela pedira unha “adaptación da xornada” que a permita conciliar, ten un fillo pequeno, e “non ter que reducir xornada ou reducir soldo” dado que precisamente a redución de xornada supúxolle “reducir” o salario.

“Pido adaptar a xornada de maneira que poida cambiar e cumprir co meu traballo. Eu traballo na oficina, atendo o público. Ábrese ás 8,00, aínda que ao público ás 8,15 (da mañá), pechamos a porta ás 14,15 aínda que saímos ás 14,30. Eu o único que solicitou é non ter que traballar as dúas tardes que temos a cambio de facer unha hora máis, de dúas e media a tres e media (da tarde)”, precisou.

Tras o xuízo, no Xulgado do Social de Lugo, esta traballadora sinalou que cre que “saíu ben”.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...