InicioEconomíaAprobada a renovación das conexións de Outeiro e Begonte

Aprobada a renovación das conexións de Outeiro e Begonte

A Deputación sacará a concurso a rehabilitación das estradas que vencellan os núcleos rurais de Outeiro e Begonte coas principais arterias de comunicación

PUBLICADA O

- Advertisement -

A Deputación de Lugo renovará as estradas que integran os núcleos rurais de Outeiro de Rei e Begonte. Son en total 9 quilómetros entre catro vías da rede provincial, que dende a N-VI se proxectan en perpendicular cara o leste, vencellando á veciñanza destes lugares, e proporcionando camiños alternativos para desprazarse a Castro.

As actuacións neste triángulo comprenden a rehabilitación do firme con aglomerado en quente, limpeza de cunetas, e renovación da sinalización horizontal e vertical. Esta mellora na comodidade e seguridade dos usuarios conta un orzamento de 422.000 euros. Logo da aprobación da xunta de goberno provincial, nas vindeiras semanas abrirase o prazo para que as empresas interesadas poidan participar da contratación.

En Outeiro de Rei a partida acada os 303.000 euros. Este investimento servirá, en primeiro termo, para renovar case dous quilómetros da LU-P-1109, que atravesa Cornide entre Arcos e Dumpín, xa no termo municipal de Castro de Rei. A segunda parte destas obras terá lugar na LU-P-3907, que vai de Arcos ata O Ceao por Vilar, arranxando a estrada dende o punto quilométrico 3,1 ata o 4,07. E un terceiro treito a mellorar é na LU-P-3908, dende Ramil por Martul ata a unión coa LU-P-2905. 

Pola súa banda, o total orzamentado para Begonte é de 118.600 euros. Con este investimento asumirase a rehabilitación de 2,8 quilómetros na estrada LU-P-0801, dende a saída da N-VI en Begonte ata Veigas de Baltar. Trátase dun nexo crucial para case mil habitantes da zona, entre os núcleos de Amil e Altive ata o propio centro do Concello de Begonte. 

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...