InicioEconomíaOs hostaleiros confían en que se rebaixen as restricións despois da Semana...

Os hostaleiros confían en que se rebaixen as restricións despois da Semana Santa

Cheché Real espera que o ritmo de contaxios permita ampliar o horario de apertura e a capacidade dos establecementos.

PUBLICADA O

- Advertisement -

O presidente da Asociación Provincial de Empresarios de Hostalaría de Lugo,  ‘Cheché’ Real, di confiar en que se “flexibilicen” as restricións establecidas para o sector despois da Semana Santa.

Así se pronunciou tras a reunión mantida este martes polos representantes das asociacións galegas de hostalaría co vicepresidente primeiro da Xunta, Alfonso Rueda, que argumentou que se buscaba “asegurar” e “consolidar” a baixada de casos de coronavirus na “maior parte dos concellos de Galicia. Por iso, acordouse que despois de Semana Santa abordaríase a “posibilidade” dunha maior apertura en canto a unha ampliación dos espazos dos negocios de hostalaría e o prolongamento do seu período de apertura.

“Quedamos en manter outra reunión o 5 de abril. O 6 reúnese o comité clínico e a ver se se pode (realizar) a ampliación dos espazos nas porcentaxes e nos horarios, a condición de que se manteña esta baixada de contaxios”, subliñou o presidente da asociación provincial lucense.

No entanto, sinalou o descontento dos profesionais do sector debido a “tanto abrir, tanto pechar e volver abrir”, polo que demandou unha maior axilidade no proceso de vacinación. “A ver se chegan as vacinas dunha vez, canta máis xente vacinada mellor. O noso inimigo, o máximo inimigo da hostalaría son os contaxios”, resolveu.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...