InicioEconomíaO centro de Lugo baléirase: o PP pide un "plan de choque"...

O centro de Lugo baléirase: o PP pide un “plan de choque” para axudar o pequeno comercio

Aseguran que o 40% dos locais comerciais do casco histórico están pechados.

PUBLICADA O

- Advertisement -

EFE | O grupo municipal do Partido Popular de Lugo solicitoulle ao goberno local que poña en marcha un “plan de choque” para axudar o pequeno comercio da cidade, como consecuencia da “preocupante porcentaxe de negocios de comercio e hostalería” que baixaron a persiana de forma definitiva nos últimos tempos por mor da crise económica e a pandemia. Afirman que un “40% dos locais” están baleiros.

O Partido Popular considera necesario facer un “esforzo titánico” por parte do Concello de Lugo para “protexer e apoiar o comercio de proximidade”, que representa unha parte importante do tecido económico da propia cidade.

O portavoz e o viceportavoz do Partido Popular en Lugo, Ramón Carballo e Antonio Ameijide, respectivamente, presentaron un paquete de “dez medidas para apoiar ao sector”, que inclúe axudas para pagar o alugueiro dos locais, exencións ou bonificacións nos recibos municipais, subvencións para a transformación dixital dos negocios e incentivos económicos para manter vivos “comercios emblemáticos”.

Así mesmo, piden “reunións periódicas” da Mesa Local de Comercio, “para que funcione como unha canle eficaz de intercambio de información e propostas cos representantes” deste sector.

Entre outras medidas, os populares tamén propoñen bonificacións no IBI para propietarios de locais pechados que “cedan os escaparates para que o Concello coloque vinilos que promocionen o consumo local ou que sirvan para potenciar os recursos turísticos do municipio”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...