A Deputación de Lugo destinará un terzo dos orzamentos a políticas sociais

Ascenden a 92,5 millóns e entrarán en vigor o 1 de xaneiro.

Representantes provinciais e municipais na apertura da residencia de Castroverde | LX

Os orzamentos da Deputación de Lugo para o próximo exercicio, que ascenden a 92,5 millóns de euros, entrarán en vigor o 1 de xaneiro, tras publicar este mércores o Boletín Oficial da Provincia (BOP) a súa aprobación definitiva, acordada pola Corporación provincial en pleno ordinario tras desestimar a única alegación presentada.

Nun comunicado, a Deputación resalta que cumpre “co obxectivo marcado polo presidente ao comezo do mandato de contar desde principios de ano cun instrumento investidor fundamental para a provincia”.

Ademais, subliña que un terzo dos 92,5 millóns de euros irá dedicado a políticas sociais, para “seguir traballando da man dos concellos e do tecido social e produtivo para mellorar os servizos públicos e favorecer a reactivación da economía fronte aos efectos da pandemia”.

DEIXAR UN COMENTARIO

Please enter your comment!
Please enter your name here