InicioEconomíaA patronal luguesa está "satisfeita" coa elección de Díaz Barreiros como presidente...

A patronal luguesa está “satisfeita” coa elección de Díaz Barreiros como presidente da CEG

"Agora terá que centrarse no importante, e non en culpas internas", di o presidente da CEL.

PUBLICADA O

- Advertisement -

O secretario xeral da Confederación de Empresarios de Lugo (CEL), Jaime López, acolleu con “satisfacción” o nomeamento por aclamación do novo presidente da patronal galega, José Manuel Díaz Barreiros.

“Valorámolo con satisfacción despois deste momento de interinidade que xa se estaba alongando demasiado, no que os vicepresidentes tivemos que asumir a responsabilidade da gobernanza da organización. Por fin temos un presidente que reuniu o maior consenso posible”, destacou.

Jaime López cre que o novo presidente de Confederación de Empresarios de Galicia “ten que atar moitos cabos”. “Hai moitas frontes, pero o máis importante agora é estar á altura do que queren os empresarios neste momento tan grave de pandemia, centrarse no que se ten que centrar e non en culpas internas, nin nesas cousas que non conducen a nada”, sentenciou.

O secretario xeral da CEL aplaudiu que o elixido sexa “unha persoa que coñece a casa”, dado que ocupou o cargo de vicepresidente na época de José Manuel Pérez Canal.

Así as cousas, López considera que Díaz Barreiros deberá, ademais de afrontar os asuntos organizativos da CEG, facer fronte a cuestións de “economía” para “seguir reivindicando de forma clara axudas para os sectores que nestes momentos están pechados“, así como continuar na senda de demanda “reducións fiscais” ante unha carga tributaria que ve “excesiva”. “Son temas que preocupan aos empresarios”, resolveu Jaime López.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...