InicioEconomíaO Concello de Lugo lanza un plan para atraer empresas mediante un...

O Concello de Lugo lanza un plan para atraer empresas mediante un fondo de capital risco

A 'Estratexia Lugo Transforma' mobilizará 12 millóns de euros co obxectivo de captar compañías innovadoras e cun impacto ambiental positivo.

PUBLICADA O

- Advertisement -

EFE | A alcaldesa de Lugo, Lara Méndez, anunciou hoxe o lanzamento da Estratexia Lugo Transforma, que definiu como “pioneira en Galicia no ámbito municipal”, para mobilizar 12 millóns de euros cos que creará un “fondo público emprendedor”, que será a base para captar “novos investimentos, atraer empresas e crear emprego sostible”.

A Estratexia Lugo Tranforma articularase, segundo informou a rexedora, a través da entrada temporal do Concello no capital de proxectos empresariais innovadores, a través dun fondo de capital risco. Precisou que deberán ser proxectos de “alto valor engadido”, tanto de empresas medianas ou pequenas como de nova creación, pero sempre con “potencial de crecemento e con alta capacitación” en sectores que xeren un alto “impacto social e ambiental”.

“Falamos de enerxías limpas e sostibles, de bioeconomía circular, biotecnoloxía, farmacia, novas tecnoloxías, servizos avanzados á industria e I+ Dí, entre outros. Quedan excluídos os sectores inmobiliario e financeiro”, precisou a alcaldesa. Ademais, esta iniciativa, estará aberta á “participación doutros investidores, tanto públicos como privados”.

NA VANGARDA DA ECONOMÍA VERDE

En rolda de prensa, tamén explicou que se trata da “maior contía destinada polo Concello de Lugo en toda a súa historia” a unha iniciativa encamiñada a “diversificar a economía do municipio”, que hoxe “é moi dependente do sector servizos”.

“É o momento de ser realmente ambiciosos e de potenciar e reorientar o tecido empresarial e produtivo de Lugo”, engadiu, mediante unha aposta clara “por radicar no municipio sectores vinculados aos xestos de identidade e á marca que Lugo está a asentar dentro e fóra de Galicia”.

Falaba a rexedora local dunha “cidade que quere estar na vangarda da economía verde e circular. Unha cidade amigable e acolledora, pero tamén moderna, innovadora e tecnolóxica”.

A pesar das dificultades, Méndez dixo que Lugo “non pode permitirse caer en abatemento. Por iso, eliximos crear esperanza e dar novos pasos para afrontar a crise como unha oportunidade que permita unha transformación real, social e económica, da cidade”.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...