InicioEconomíaAbre para a circulación o primeiro tramo da autovía A-56 para unir...

Abre para a circulación o primeiro tramo da autovía A-56 para unir Lugo e Ourense

O secretario xeral de Infraestruturas do Minsiterio de Transportes declarou que "en Galicia, os proxectos van seguir adiante e, sobre todo, os feitos e o investimento".

PUBLICADA O

- Advertisement -

O secretario xeral de Infraestruturas do Ministerio de Transportes, Mobilidade e Axenda Urbana, Sergio Vázquez Torrón, e o delegado do Goberno en Galicia, Javier Losada, participaron este mércores na apertura do primeiro tramo da autovía A-56 Lugo-Ourense, o que discorre entre A Barrela, en Lugo, e San Martiño.

Durante o acto, Vázquez Torrón recoñeceu “o traballo de todas as administracións” implicadas no proxecto desta autovía, iniciado hai 15 anos, e sinalou esta apertura como “un sinal” da relevancia que para o Goberno ten “todo o que representa a Galicia interior”.

“En Galicia, os proxectos van seguir adiante e, sobre todo, os feitos e o investimento”, declarou, en referencia ao investimento na rede viaria e, de forma paralela, á vinculada ao ferrocarril.

Pola súa banda, Javier Losada, que lembrou o “compromiso” deste ministerio con Galicia, destacou a importancia desta infraestrutura para a mellora da seguridade viaria e a vertebración interior da comunidade.

VERTEBRAR O INTERIOR

A autovía A-56, sensiblemente paralela á N-540 e ao Eixo Atlántico da AP-9, permitirá “cohesionar e vertebrar territorialmente a Galicia interior“, destaca o ministerio, canalizando parte dos tráficos con orixe ou destino cara a Portugal e ao sur de Galicia desde o corredor Cantábrico (A-8). Supón ademais, “unha importante mellora da accesibilidade á Rede de Autovías e Autoestradas para a Galicia interior, con problemas de regresión demográfica”, explicita o Goberno.

O tramo que se pon en servizo (A Barrela- San Martiño), permitirá conectar a través dos nós da Barrela e As Lamas coas estradas autonómicas LU-901 e OU-901 no límite das provincias de Lugo e Ourense, enlazando a A-56 co eixo de comunicación denominado ‘Eixo do Ribeiro’, cara a Cea, O Carballiño e a AG-53.

O tramo ten unha lonxitude total de 8,8 quilómetros, dos que 8,3 discorren pola provincia de Lugo. O investimento total foi de 54,8 millóns de euros (39 millóns correspondentes ás obras, 13,6 ás expropiacións e 2,2 millóns de euros ás asistencias técnicas de redacción de proxecto, control e vixilancia das obras, seguridade e saúde e medio ambiente).

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...