InicioEconomíaPagar agora e consumir máis adiante: unha iniciativa para inxectar liquidez nos...

Pagar agora e consumir máis adiante: unha iniciativa para inxectar liquidez nos comercios de Lugo

Unha plataforma online permitirá que os lucenses adquiran bonos para trocar nos establecementos da capital luguesa cando estes reabran as súas portas.

PUBLICADA O

- Advertisement -

O Concello de Lugo, a Asociación Provincial de Empresarios de Hostalaría e a Federación de Comercio presentaron este mércores a campaña ‘Cos de sempre’, mediante a cal se creará unha plataforma de compras en Internet na que os lucenses poderán adquirir bonos agora para consumir nos comercios e locais hostaleiros da cidade unha vez se retome a actividade.

A alcaldesa de Lugo, Lara Méndez, explicou esta mañá nunha roda de prensa telemática o funcionamento desta web, baixo o nome de ‘Abrindo Lugo’. Segundo dixo, os bonos poderán comprarse a partir deste mércores. “Imos pagar agora e comprar unha vez reabran os comercios e restaurantes”, especificou. Sería unha maneira, din, de “dar liquidez” aos negocios da cidade e de “implicar a todos os veciños”.

COMO FUNCIONA A PLATAFORMA?

O funcionamento da plataforma será sinxelo. “Buscamos simplificar todos os procedementos nunha web onde poderán ver a listaxe de establecementos que se queiran sumar”, sinalou a alcaldesa de Lugo. Os usuarios terán que escoller o establecemento onde querer gastar os bonos e a cantidade para obter o beneficio futuro.

Así mesmo, dentro da web habilitarase tamén unha opción denominada ‘Tícket solidario’, que permitirá a toda a cidadanía facer unha aportación voluntaria ao comercio e á hostalaría lucense. Os fondos que se recaden a través deste recurso benéfico serán repartidos proporcionalmente entre os diferentes establecementos adheridos á iniciativa.

O presidente da Federación de Comercio, José María Seijas, comentou que “lle parece unha boa iniciativa” porque necesitan todo tipo de axudas para poder subsistir nun momento tan complicado. “O mellor é que a xente se conciencie de que a mellor axuda é a de todos os veciños“, concluíu.

Pola súa banda, o presidente da Asociación Provincial de Empresarios de Hostalaría comentou que “lle parece unha iniciativa magnífica que dará liquidez aos negocios”, á vez que agradeceu ao Concello de Lugo a “posta en marcha” desta plataforma.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...