InicioMovementos sociaisConvocan unha manifestación para o 17 de marzo en defensa do rural...

Convocan unha manifestación para o 17 de marzo en defensa do rural e duns prezos xustos

A asociación Agromuralla insta á participación de persoas do ámbito urbano, porque "se o rural esmorece, a cidade morre".

PUBLICADA O

- Advertisement -

O colectivo Agromuralla convoca para o vindeiro martes, 17 de marzo, unha manifestación polas rúas de Lugo en defensa do rural e duns prezos xustos para os seus produtores. A provincia súmase así á onda de reinvidicacións do agro que están xurdindo en distintos puntos de España.

A asociación de gandeiras e gandeiros xurdida das históricas tractoradas do 2015 convida a participar na protesta a produtores e veciños do rural, pero tamén a aqueloutros que viven en ámbitos urbanos. “Se o rural esmorece, a cidade morre”, reza o lema da marcha. Así, procuran pór en valor a produción rural como garantía contra o despoboamento e como base para unha alimentación de calidade de cara aos consumidores.

RADIOGRAFÍA DA SITUACIÓN ACTUAL

Con pouco máis de catro anos de vida, esta asociación composta por 400 gandeiros e gandeiras da provincia de Lugo observa problemas que persisten no sector. Á espera de que concreten máis polo miúdo as principais reivindicacións para o vindeiro 17 de marzo, xa avanzan que a situación actual se ve condicionada por incertezas derivadas das oscilacións dos prezos á baixa, o aumento do custo da enerxía, a falta de relexo xeracional ou as novas esixencias medioambientais no uso dos xurros, entre outras.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...