InicioEconomíaGalicia Baleira pide "servizos de calidade" para evitar a "sangría demográfica"

Galicia Baleira pide “servizos de calidade” para evitar a “sangría demográfica”

A Xunta insiste en que "aposta por un medio rural vivo e dinámico e con actividade económica"

PUBLICADA O

- Advertisement -

O presidente da plataforma Galicia Baleira, Jesús Vázquez, que agrupa máis de 400 asociacións de veciños das provincias de Lugo e Ourense, defendeu este venres ante o conselleiro de Medio Rural, José González, que para evitar “a sangría demográfica” hai que contar con “servizos de calidade” no rural.

Así o manifestou antes de manter este venres un encontro na Delegación da Xunta en Lugo, coa presenza tamén do delegado territorial, José Manuel Balseiro. Vázquez destacou que “para asentarse no rural, para fixar poboación, para evitar a sangría demográfica hai que ter servizos públicos e servizos de calidade no rural”.

Ademais, outra reivindicación pasa por contar “cunhas infraestruturas acordes para que a xente quede no rural”. “E hai unha terceira pata que sería o emprego para que queden os mozos, asenten alí e formen a súa familia”, destacou.

Pola súa banda, o conselleiro de Medio Rural, José González, agradeceu a esta plataforma de Galicia Baleira “que haxa unha parte da sociedade civil galega que exprese unha preocupación clara” que “tamén”, abundou, ten “o goberno da Xunta polo rural”. “Veño escoitar as súas propostas, que xa advirto que as lin e concordo en moitas delas. Paréceme que nós estamos aquí nesas propostas”, afirmou.

ACTIVIDADE RENDIBLE

En canto “ao futuro”, o conselleiro asegurou que o Goberno galego “aposta por un medio rural vivo e dinámico, e con actividade económica”. “Nós defendemos a necesidade dunha actividade agrícola, gandeira e forestal rendible, con prezos xustos que se constrúan a partir dos custos de produción con marxes de beneficio. Esa tamén é unha demanda que lle facemos ao goberno central”, concluíu José González.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...