A CEL entregará en abril a Medalla de Ouro a título póstumo a Jesús Lence

A súa filla e sucesora, Carmen Lence, será a encargada de recibir esta homenaxe "merecidísima", segundo dixo o secretario da Confederación de Empresarios de Lugo.

O empresario Jesús Lence | Campo Galego

EFE.- A Confederación de Empresarios de Lugo (CEL) informou de que fará entrega a principios de abril da Medalla de Ouro a título póstumo para Jesús Lence, fundador do grupo Leche Río. O acto de recoñecemento por parte da patronal lucense desenvolverase en Chantada, coa presenza da filla do finado empresario.

O secretario xeral da CEL, Jaime López, asegurou que se trata dunha homenaxe que se lle fixo a “moi pouca xente”, pero “Jesús é digno e merecedor” dun recoñecemento “que non quixo recibir en vida”.

Segundo o secretario da CEL, a entrega da Medalla de Ouro é un xesto de gratitude pola contribución de Lence á hora de “mellorar a situación económica e deportiva da nosa cidade e da nosa provincia”. “É unha obriga pola nosa banda”, admitiu López.

Será a súa filla e sucesora, Carmen Lence, a encargada de recibir esta homenaxe da patronal lucense a título póstumo.

DEIXAR UN COMENTARIO

Please enter your comment!
Please enter your name here