InicioEconomíaDerradeiros traballos no cinto de estradas de Pol

Derradeiros traballos no cinto de estradas de Pol

A Deputación destina 243.000 euros para rematar a mellora nas conexións entre Castroverde e Castro de Rei ao seu paso polo concello de Pol

PUBLICADA O

- Advertisement -

O Presidente da Deputación, Darío Campos Conde, e o Alcalde de Pol, Lino Rodríguez Ónega, supervisaron o inicio dos derradeiros traballos que se están a executar na LU-P-1611, o coñecido como cinto comarcal, e que contan cun orzamento da Deputación de 243.000 euros.

Campos Conde destacou que “a través destas obras de remodelación integral do firme da vía melloraremos o día a día de milleiros de veciños, pois son actuacións das que se benefician de xeito directo, aos máis de 1.000 veciños da zona, así como a centos de usuarios que empregan esta vía que dá acceso a Castro de Rei e Castroverde. É acceso á N-640. Ademais, é a vía principal que conecta varios núcleos rurais do municipio como Mosteiro, Luaces e Hermunde con núcleo urbano de Pol”.

Rodríguez Ónega agradeceu este investimento da Deputación no municipio “na que é unha das arterias de comunicación máis importantes para a zona, pois atravesa o Concello e conecta coas localidades veciñas de Castro de Rei e Cervantes”. Nestes sento, o rexedor destacou a “constante colaboración do organismo provincial na mellora de infraestruturas na provincia, especialmente no rural, o que nos permite ofrecer aos veciños do noso Concello dotacións públicas de calidade”. 

Os traballos, que rematarán previsiblemente a vindeira semana, consisten na remodelación integral do firme desta vía, nun treito de case 5 quilómetros, comprendidos entre os puntos quilométricos 99,500 e o 104,000. As actuacións específicas que se están a realizar nesta vía son a rexeneración do firme con aglomerado en quente, limpeza de cunetas, e incremento da seguridade coa instalación de sinalización horizontal e vertical. Acadouse tamén unha mellora de obra, o que permite acondicionar, sen custe algún para as arcas provinciais, o firme dun treito de case 500 metros máis.

ÚLTIMAS

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...

Acepta 10 anos de prisión por dúas violacións, pero só cumprirá seis meses antes de ser expulsado do país

Un home de nacionalidade colombiana confesou este xoves na Audiencia Provincial de Lugo ser...