InicioEconomíaAsí será o primeiro gran cambio para peonalizar a rolda da Muralla...

Así será o primeiro gran cambio para peonalizar a rolda da Muralla de Lugo

Un estudo encargado polo Concello de Lugo aposta por unha gran rotonda en San Fernando, compatible coa peonalización da rolda da Muralla. Polo momento, só é un proxecto.

PUBLICADA O

- Advertisement -

O estudo encargado pola área de Mobilidade do Concello de Lugo para reordenar o tráfico na confluencia da Avenida da Coruña coa Rolda da Muralla -dúas das principais arterias da cidade- avaliou “positivamente” a posibilidade de construír unha gran “rotonda nese espazo, adaptando as infraestruturas existentes a esa nova distribución” da circulación. E, de paso, avanzar nun dos grandes obxectivos desta lexislatura, a peonalización da rolda da muralla.

Os resultados dese estudo foron presentados este mércores polo tenente de alcalde, Rubén Arroxo, acompañado polo edil de Infraestruturas Urbanas, Alexandre Penas, e os técnicos da empresa que se fixo cargo do mesmo. Así, Arroxo precisou que a construción desa rotonda fronte a Porta de San Fernando da Muralla romana permitiría, “de cara ao futuro, no momento que se avance cara á peonalización completa do centro histórico de Lugo, o acceso ao aparcadoiro subterráneo que hai na Praza de Ferrol, dentro do recinto amurallado”.

Así mesmo, esa infraestrutura, dixo, “facilitaría a transición cara a futura unidireccionalidade da Avenida da Coruña“, principal entrada e saída da cidade cara ao norte. Arroxo precisou que se trata dun primeiro paso para a execución dun proxecto que non se materializará de forma inminente, dado que non se reservou ningunha partida para iso no orzamento municipal para 2020.

A idea é ir perfilando isto de cara aos próximos anos do mandato que acaba de comezar, unha vez que xa se coñecen, dixo, “as necesidades para mellorar a mobilidade na zona e sen perder de vista un obxectivo político claro, que é a peonalización da Rolda da Muralla”. O custo da obra ascendería a uns 300.000 euros.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...