InicioEconomíaTeñen oportunidades os mozos de menos de 30 anos de vivir no...

Teñen oportunidades os mozos de menos de 30 anos de vivir no rural?

A Deputación de Lugo activa un plan de emprego para que "boten raíces" nas zonas agrarias e máis despoboadas da provincia.

PUBLICADA O

- Advertisement -

O presidente da Deputación de Lugo, José Tomé, presentou este xoves un novo plan de emprego orientado a atraer mozos menores de 30 anos para que se asenten no rural da provincia lucense.

O programa, bautizado ‘Prende, bota raíces non rural‘ e que se suma a outro tres plans de emprego da deputación, consta de dúas fases. A primeira está orientada á “formación teórica” e nela participarán 70 mozos.

A formación está dividida en catro actividades “cun importante peso no tecido produtivo da provincia”, segundo resaltou o presidente provincial nunha rolda de prensa celebrada este xoves, onde concretou que cada área será impartida en diferentes zonas luguesas.

Así, os participantes recibirán cursos sobre enerxías renovables (na zona da Mariña), hostalaría e turismo (Ribeira Sacra), xestión forestal e agricultura e gandaría (ambas as na zona centro da provincia). Esta fase, cuxas bases se aprobarán a finais de ano para que arranque a principios de 2020, terá unha duración de catro semanas e cada participante recibirá 14 euros diarios, que serán abonados pola deputación.

SEGUNDA FASE

Na segunda fase, o obxectivo é que estes mozos –que deberán ser menores de 30 anos e atoparse en situación de desemprego– accedan a un contrato de traballo. Para iso, o goberno provincial ofrecerá unha axuda de 4.400 euros por traballador (que percibirá o salario mínimo interprofesional) ás empresas que contraten por un mínimo de oito meses.

Asimsimo, o programa tamén inclúe subvencións para os mozos que decidan emprender e crear o seu propio negocio. Así, a deputación concederá unha axuda de 5.510 euros para pór en marcha o seu proxecto.

300.000 EUROS DE ORZAMENTO

En total, o plan conta cun orzamento de 300.000 euros, que proceden nun 92% de fondos europeos e o resto de achega provincial. O obxectivo do goberno provincial, como comentou José Tomei, é favorecer o asentamento de poboación nos concellos de menos de 5.000 habitantes e naqueles municipios de máis de 10.000 que presenten un saldo demográfico negativo.

CRÍTICAS A FEIJÓO

Ademais, durante a rolda de prensa de presentación do plan, o tamén alcalde de Monforte cargou contra o presidente da Xunta, Alberto Núñez Feijóo, ao que afeou que o prometido como “a lexislatura do rural” quedase “en nada de nada”.

“O presidente (da Xunta), moitas veces, dedícase a dar frases titular para os medios de comunicación pero por detrás adoita haber un deserto”, incidiu Tomé, que augurou que os galegos farán balance da súa xestión nas eleccións autonómicas previstas para o próximo ano.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...