InicioEconomía'XX Premio Aresa' de Desenvolvemento Rural

‘XX Premio Aresa’ de Desenvolvemento Rural

Entre os proxectos gañadores do sur de Lugo en edicións anteriores están a D.O. Ribeira Sacra (2006), os impulsores da queixería Casa Macán (2007) e o CRAEGA, Consello Regulador da Agricultura Ecolóxica de Galicia, organismo establecido en Monforte e merecedor do premio o pasado 2018.

PUBLICADA O

- Advertisement -

A vicerreitora de Coordinación do campus de Lugo da USC, Montserrat Valcárcel Armesto; o presidente do grupo Aresa, Álvaro Rodríguez Eiras, e a adxunta á presidencia do mesmo, Carlota López, participaron o 24de setembro na Vicerreitoría de Lugo no acto de presentación das bases do XX Premio Aresa de Desenvolvemento Rural.

Na súa intervención, a vicerreitora do campus de Lugo destacou o feito de que esta colaboración fixese posible o apoio a “empresas moi significativas para a provincia de Lugo e para toda Galicia”. Así mesmo, fixo alusión á “visión de futuro” que tiveron no seu momento tanto a Universidade como o grupo Aresa ao crear este galardón: “hoxe, o desenvolvemento rural xa está nas axendas de todas as institucións políticas, é unha das claves da PAC, pero hai 20 anos non era así”, sinalou.

O presidente de Aresa lembrou que o obxectivo principal desta convocatoria é “contribuír ao benestar das persoas do medio rural” e referiuse tamén á importancia de mellorar a situación do sector a fin de fixar poboación e traballo no rural. “Para iso, agricultores e gandeiros só teñen un camiño, que é producir mellor, máis barato e con mellor calidade para que os nosos produtos poidan chegar a mercados exteriores”, engadiu.

Rodríguez Eiras tamén puxo en valor a iniciativa da súa empresa dando a coñecer proxectos empresariais importantes de Galicia, “no curso destes anos nós obtivemos un beneficio engadido ao chegar a industrias e compañías das que non tiñamos coñecemento e que nos sorprenderon gratamente pola súa modernidade e a súa aposta pola investigación”.

Entre os proxectos gañadores do sur de Lugo en edicións anteriores están a D.O. Ribeira Sacra (2006), os impulsores da queixería Casa Macán (2007) e o CRAEGA, Consello Regulador da Agricultura Ecolóxica de Galicia, organismo establecido en Monforte e merecedor do premio o pasado 2018.

ASPECTOS QUE SE VALORAN PARA CONCEDER OS PREMIOS

Para a avaliación das candidaturas, o xurado prestará especial atención a proxectos que xeren valor engadido e emprego no rural galego, teñan viabilidade económica, incidan na creación de postos de traballo, poñan en valor os produtos da terra de tradición galega, recuperen subsectores agrícolas e gandeiros tradicionais e supoñan unha innovación en produtos que teñan potencial de desenvolvemento.

A presentación de candidaturas para esta edición pode realizarse ata o 25 de outubro nos rexistros da USC e pódese acceder ás bases a través da web de ARESA.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...