Unha enxeñeira do campus de Lugo irá a Silicon Valley tras gañar un programa de emprendemento

A idea de negocio coa que Andreina Vargas Carrión conseguiu esta oportunidade é a dunha empresa tecnolóxica que poría en valor a madeira local.

Campus Terra, en Lugo | USC
Campus Terra, en Lugo | USC

Andreina Vargas Carrión, do campus de Lugo (USC), é unha das emprendedoras galegas que viaxarán a Silicon Valley como gañadora do programa ‘Explorer’. A  idea de negocio coa que conseguiu esta oportunidade é a dunha empresa tecnolóxica que pon en valor a madeira local. Ofrecería un servizo integral para asesorar e comercializar sistemas estruturais innovadores e respectuosos co medio ambiente.

Canda ela, viaxarán tamén outros dous galegos:  Iván García Queijo, da UDC, e Jose Rodríguez Gago, do campus compostelán da USC. Será en outubro cando se despracen ata California, xunto con outros 53 mozos e mozas do Estado, para mergullarse no ambiente de emprendemento e innovación. Realizarán visitas, por exemplo, ás instalacións de Google, Facebook ou Apple, entre outros.

Os seus proxectos foron seleccionados entre máis de 1.049 propostas chegadas de toda España. Para ler máis información, podes ir ao Galicia Confidencial.

DEIXAR UN COMENTARIO

Please enter your comment!
Please enter your name here