Ray McCallum: “Vou tentar marcar a diferenza”

O novo base do Cafés Candelas Breogán asegurou que é "unha oportunidade moi boa" para el, mentres que Tito Díaz, o seu novo primeiro adestrador, comentou que "é o xogador que encaixa", "un base moi completo" e viuno "moi animado, moi predisposto"

Ray McCallum pousa con Suso Lázare, presidente de Breogán. Foto de cbbreogan.com

Ray McCallum, novo base de Cafés Candelas Breogán, afirmou que chega a un equipo no que vai “tentar marcar a diferenza” e “unha oportunidade moi boa” para el. “Cando falei co adestrador, quedoume claro que teño que ser un verdadeiro base”, declarou. “Son atlético, con capacidade para defender e atacar segundo requira o equipo”, describiuse, non sen antes engadir que atópase “fresco” e “preparado” para competir xa. Dixo que o Breogán é un “club con moita historia” e coñece persoalmente a Alec Brown.

Tito Díaz, primeiro adestrador de Cafés Candelas Breogán, explicou que falou con Ray McCallum e viuno “moi animado, moi predisposto”. “Teño informes moi positivos de el a nivel persoal e profesional”, comentou. Engadiu que “é un xogador que encaixa”, “un base moi completo” e están “moi ledos” pola súa fichaxe.

Por outra banda, Tito Díaz adiantou que “Christian Díaz e Alec Brown están perfectos”, mentres “Henk Norel segue o seu proceso, que vai lento”.

O primeiro técnico breoganista lembrou que deben “dar un paso adiante en defensa”.

Suso Lázare, presidente do Breogán, aclarou que cada movemento esta tempada foi e será “sempre dentro” das “posibilidades económicas” do club.

DEIXAR UN COMENTARIO

Please enter your comment!
Please enter your name here