Ray McCallum é novo base de Cafés Candelas Breogán. O xogador estadounidense reforza esta posición despois da lesión de Ricardo Úriz, que será baixa as vindeiras seis-oito semanas por unha lesión muscular de grado dous no adutor longo da perna dereita.
Ray McCallum procede de Aguas Calientes Clippers, da NBA G League, onde promediou 12.3 puntos e 3.3. asistencias, pero comezou a tempada en Darüşşafaka S. K., en Turquía, onde xogou esta tempada 15 partidos en Euroliga cunhas medias de 9.4 puntos, 4.09 asistencias e 3.7 rebotes.
A pasada tempada 2017-2018, xogou en Unicaja Málaga promediando 8 puntos, 3 rebotes e 3 asistencias en Liga Endesa e 9.2 puntos, 2.6 asistencias e 2.3 rebotes en Euroliga.
Ray McCallum xogou na NBA en Sacramento Kings (2013-2015), San Antonio Spurs (2015-2016) e Memphis Grizzlies (2015-2016) cuns promedios de 6 puntos e 2 rebotes.
Segundo Breogán, é unha fichaxe despois de acadar “recursos extraordinarios para acadar a incorporación sen perxudicar as axustadas contas do club”.