Natxo Lezkano: “É un partido ilusionante, bonito de ver e deses especiais”

O primeiro adestrador de Cafés Candelas Breogán confirmou que Henk Norel “adestra en pista”, “é a boa nova”, mais “vaille costar coller a forma”

Natxo Lezkano. Foto de ACB.

Natxo Lezkano, primeiro adestrador do Cafés Candelas Breogán, analizou a visita ao Monbús Obradoiro o sábado no Multiusos Fontes do Sar de Compostela a partir das 18 horas na vixésimo primeira xornada da Liga Endesa.

Lezkano comentou é un “partido ilusionante”, “bonito de ver” e “un deses partidos especiais”.

Opinou que “Obradoiro xoga diferente”, “os seus tiradores cobran moita importancia, tiran moito de tres e moi ben” e o equipo compostelán “está no seu mellor intre”.

Por outra banda, contestou que Henk Norel “adestra en pista”, “é a boa nova”, mais “vaille costar coller a forma”. En cambio, opinou que “Ricardo Úriz é un reforzo moi importante” e “de seguro axuda”. Sobre Elijah Millsap, valorou que estas dúas semanas de parón “serviulle para saber” o que queren os lucenses de el, “está a estudar ben, pero hai que ver o exame”. “Veremos neste partido se realmente asimilou”, engadiu.

O Breogán non competiu nas dúas pasadas semanas polas fiestras FIBA. “Non podo reproducir aquí o que penso das fiestras FIBA”, comentou Lezkano.

Por último, sobre a cesión de Herve Kabasele a Real Canoe, respondeu que “aínda lle queda traballo para estar en condicións de xogar”.

Ricardo Úriz: “O parón veume moi ben, voume atopando cada día moito mellor”

DEIXAR UN COMENTARIO

Please enter your comment!
Please enter your name here