Un partido chave, mais non unha final

O Cafés Candelas Breogán é antepenúltimo con seis vitorias, mentres que UCAM Murcia é penúltimo con cinco triunfos, polo que este domingo ámbolos dous equipos xóganse parte das súas opcións de permanencia na Liga Endesa, ademáis dun posible average directo ao gañar os murcianos na ida por 12 puntos

O Breogán celebra a vitoria en Fuenlabrada. Foto de ACB.

Cafés Candelas Breogán e UCAM Murcia xogan este domingo 10 de febreiro no Pazo dos Deportes de Lugo a partir das 17 horas parte das súas opcións de permanencia na Liga Endesa. Parte, pero non todas. De feito, o Breogán é antepenúltimo con 6 vitorias, polas 5 de Murcia, penúltimo. Ademáis, está en xogo o average directo ao gañar Murcia por 12 puntos na primeira volta. Esta diferenza directa entre equipos decidiu oito postos a tempada pasada.

UCAM Murcia chega a Lugo con seis derrotas consecutivas. De feito, antes da anterior xornada cambiou de adestrador fichando a Sito Alonso, ex primeiro técnico do Barça e Baskonia, en sustitución de Javi Juárez. En cambio, UCAM está a asinar unha marabillosa Basketball Champions League sendo o equipo con mellor balance na primeira fase con 13 partidos gañados e só unha derrota. Gañou esta mesma semana a Banvit (86-71) na primeira vitoria de Sito Alonso. Murcia, ademáis, viaxa a Lugo con toda a rotación disponible, é dicir, sen ningunha baixa por lesión.

Pola súa banda, o Breogán chega despois de catro derrotas correlativas e coa baixa habitual de Henk Norel, lesionado dende pretempada. É máis, Natxo Lezkano xa anunciou que “non hai máis recursos” para poder fichar. Lezkano, ao igual que en partidos coma GBC ou Manresa, califica este encontro como unha “final”. Non o é literalmente porque unha final é só cando nos tes máis alternativa, cando non hai máis opcións que nese partido. Dito o cal, o adestrador breoganista lóxicamente refírese á importancia do encontro ante un rival directo. Sito Alonso non o quixo calificar de final, seguramente para reducir presión a un UCAM que incluso xógase máis que o Breogán o domingo pola súa posición na clasificación.

O propio Natxo Lezkano lembrou que, coas lesións do pivote Henk Norel e do ala-pivote Tadija Dragićević, os lucenses teñen un xogo interior só formado por Alec Brown, Emir Sulejmanovic e Volodymyr Gerun. É dicir, só un un pivote puro, un “cinco”, que é Gerun. De feito, Lezkano xa engadiu na rolda de prensa previa á pasada xornada que Romaric Belemene, aleiro, deberá axudar coma ala-pivote. Tamén pediu un paso adiante a Elijah Millsap, Belemene e Sulejmanovic, e todos eles o deron en Zaragoza, especialmente Emir Sulejmanovic con 20 puntos e 11 rebotes.

Sito Alonso, adestrador de UCAM Murcia, afirmou na rolda de prensa de hoxe que deberán tentar atopar “as vantaxes” que poidan “ter no xogo interior” en referencia a esa carencia do Breogán e tamén subliñou que cre que os murcianos son máis “intensos e agresivos”.

A racha de catro triunfos consecutivos do Breogán entre decembro e xaneiro foi sempre cun acerto superior ao 37 % en triplas, incluso por riba do 40 % en tres dos partidos. Cando os lucenses baixan dunha eficacia positiva, sofren moito. Dependen mito do acerto exterior. Arestora, teñen un acerto de 34.01 %, mais chegaron ter un 27 %. Tamén nos tiros libres, debe do equipo no comezo de tempada e que melloraron considerablemente na xeira positiva. Na última xornada en Zaragoza, só un 57 % nos tiros libres. O domingo chega a Lugo o peor equipo en tiros libres, UCAM Murcia. Pero o Breogán é o antepenúltimo con só un 69.82 % de eficacia. E mídense os dous equipos con peor nivel de acerto en tiros de dous: UCAM é penúltimo e Breogán o peor.

En cambio, o Breogán destaca como terceiro mellor equipo en rebotes, terceiro en tapóns e conta co mellor reboteador ofensivo da Liga Endesa, Volodymyr Gerun.

DEIXAR UN COMENTARIO

Please enter your comment!
Please enter your name here