InicioDeportesO Lugo empata ante un Extremadura U.D. superior (1-1) e confirma o...

O Lugo empata ante un Extremadura U.D. superior (1-1) e confirma o traspaso de Vasyl Kravets

Os lucenses foron sometidos polo equipo de Almendralejo durante a primeira metade, pese a marcar na súa primeira ocasión. Na segunda metade, Juan Carlos Martín detivo un penalti a Enric Gallego. Ao remate do partido, Alberto Jiménez Monteagudo e o club confirmaron o traspaso de Vasyl Kravets ao C.D. Leganés

PUBLICADA O

- Advertisement -

O Club Deportivo Lugo empatou fronte o Extremadura U.D. (1-1) nun partido no que foi sometido maioritariamente polo conxunto de Almendralejo. Os lucenses, coas baixas finais de Eduard Campabadal e Luis Ruiz, xogaron cun esquema de tres centrais: Borja San Emeterio, que debutaba en Liga; Miguel Vieira e Josete Malagón. Como carrileiros, competiron Iriome por banda dereita e José Carlos Lazo por esquerda.

Pese a todo, o Lugo marcou na súa primeira ocasión. Foi no minuto 6, cando Carlos Pita aproveitou unha deixada de “Josete” Malagón nun saque de esquina botado por José Carlos Lazo. Dende aí, o Extremadura dominou o balón, foi superior en mediocampo, atopou espazos ás espaldas dos pivotes albivermellos e provocou erros na saída de balón do Lugo. No minuto 19, erro de Miguel Vieira, Enric Gallego, máximo goleador da categoría, cede a Willy, cuxo disparo é desviado por Vieira que corrixiu a súa equivocación previa. O balón marchou a saque de esquina. No minuto 25, fantástico pase de Enric Gallego cara o desmarque de Kike Márquez que, no un para un contra Juan Carlos Martín, disparou frouxo. Os lucenses apenas tiñan opcións. Dito o cal, unha conducción de Lazo en contragolpe non foi finalizada por Cristian Herrera por escasos centímetros. O Extremadura continuaba a tentar o empate. No minuto 40, xogada individual de Enric Gallego que desbarata Miguel Vieira. Cun centro perigoso de Iriome e Carlos Pita finaliza a xogada cun zurdazo fóra dende fóra do área remata o primeiro período.

A segunda metade comezou co empate no primeiro minuto da reanudación: remate potente de Kike Márquez no primeiro pau despois dun centro de Roberto Olabe co exterior. A segunda parte foi máis igualada, con menos posesión do Extremadura, pero pouca fluidez dos lucenses. No minuto 61, José Carlos Lazo atopa a Dani Escriche, que filtra un pase a Cristian Herrera, que remata fóra tentando buscar o primeiro pau. Cinco minutos despois, comezou a exhibición de Juan Carlos Martín desviando un testarazo axustado de Gio Zarfino despois dunha falta indirecta botada por Kike Márquez. Un minuto despois, penalti a prol do Extremadura, que parou Juan Carlos Martín pese a tiro colocado e potente de Enric Gallego, pichichi da competición. O partido rematou cunha falta directa lanzada fóra por Juan Muñiz.

Ao remate do partido, confirmouse oficialmente o traspaso de Vasyl Kravets ao C.D. Leganés, que asina até o 30 de xuño de 2023 con opción a unha tempada máis. Alberto Jiménez Monteagudo, primeiro adestrador albivermello, confirmouno en rolda de prensa e, posteriormente, oficializárono os clubes.

 

 

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...