InicioDeportesO Cafés Candelas Breogán fai novamente feliz ao Pazo (85-79)

O Cafés Candelas Breogán fai novamente feliz ao Pazo (85-79)

Os lucenses saen provisionalmente de descenso ao sumar a súa cuarta vitoria, segunda consecutiva e as catro na casa, con acerto exterior e nos tiros libres, así coma unha extraordinaria actuación de Christian Díaz, Salva Arco, Sergi Vidal e Alec Brown

PUBLICADA O

- Advertisement -

O Cafés Candelas Breogán gañou a MoraBanc Andorra (85-79), suma a súa cuarta vitoria nesta Liga Endesa, todas no Pazo dos Deportes de Lugo, e segunda consecutiva. Os lucenses saen provisionalmente de descenso.

No primeiro cuarto, o Breogán non pechou o rebote, concedeu 7 rebotes ofensivos, pero conseguiu rematar o primeiro parcial con igualdade (20-20).

No segundo cuarto, tras unha leve vantaxe de Andorra (21-22), os lucenses tiveron un punto de inflexión tras unha tripla de Salva Arco e outra de Christian Díaz (27-21), ámbolos dous novamente decisivos. Tras un parcial andorrano de 0-8 (36-33), tripla de Christian Díaz para chegar ao descanso (39-33).

No comezo do terceiro cuarto, racha breoganista ata estirar a vantaxe até os 11 puntos despois dunha tripla de Sergi Vidal (50-39), que aportou eficacia e temple nos intres decisivos. Cun gancho de Alec Brown, chegábase á maxima diferenza breoganista (52-40). Andorra respondía cun parcial de 0-9 pechado con dous tiros libres de Dylan Ennis (52-49). John Shurna, principal baluarte visitante con 18 puntos totais, anotaba para reducir a distancia a un punto (54-53). E respondía Salva Arco cunha tripla. 5 puntos de Christian Díaz e 3 puntos de Alec Brown volvían estirar a vantaxe lucence ao remate do terceiro período (65-57).

No derradeiro cuarto, unha nova tripla de Arco volvía marcar distancia (70-60). Minutos despois, Andorra colocábase preto (76-71). Sergi Vidal, nun canastón, respondía (78-71). Andorra chegou a colocarse a 3 puntos (82-79), pero Alec Brown decidiu con 3 tiros libres até o 85-79 definitivo.

Alec Brown foi o máximo anotador breoganista con 17 puntos, seguido por Christian Díaz, con 14, e Salva Arco e Sergi Vidal, ámbolos dous con 13 puntos.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...