O Breogán gaña a Copa Galicia nove anos despois ao vencer a Obradoiro (74-75)

Dous tiros libres finais de Jerome Jordan deron a vitoria a un equipo lucense superior dende o comezo circulando mellor o balón e imprimindo o seu ritmo de partido

O Breogán pousa co trofeo de campión da Copa Galicia. Foto da Federación Galega de Baloncesto.

O Cafés Candelas Breogán proclamouse campión da Copa Galicia despois de nove anos e suma o seu duodécimo título autonómico. Os breoganistas gañaron a Monbús Obradoiro (74-75) sendo superiores dende o comezo cunha mellor circulación de balón e imprimindo o seu ritmo de partido. Dous tiros libres de Jerome Jordan despois dunha tripla de David Navarro (74-73) foron decisivos. Kyle Singler non anotou dende a liña de tres puntos na derradeira xogada.

Jerome Jordan foi o máximo anotador do partido con 18 puntos, polos 16 de Pepe Pozas no Obradoiro.

O Breogán non gañaba a Copa Galicia dende 2009. Obradoiro sumaba 8 títulos consecutivos dende 2010, inclusive.

DEIXAR UN COMENTARIO

Please enter your comment!
Please enter your name here