O Joventut gaña ao Breogán tras xestionar mellor o treito definitivo (69-76)

A dirección de Nicolás Laprovittola e o acerto de Conor Morgan decidiron un partido no que o equipo lucense tivo vantaxe de 10 puntos no primeiro cuarto e de 7 no terceiro cuarto

Conor Morgan penetra a canastra ante a oposición de Lucio Redivo e Alec Brown. Foto de acb.com

O Cafés Candelas Breogán perdeu o partido adiado da primeira xornada da Liga Endesa fronte o Divina Seguros Joventut (69-76) nun encontro de intres, de parciais a favor e en contra.

Os lucenses foron superiores ao comezo e tiveron unha vantaxe de 10 puntos (28-18) despois dun primoroso primeiro cuarto de Volodymyr Gerun con 9 puntos e o acerto e a dirección de Aleksandar Cvetkovic. O Joventut anotou cinco triplas no primeiro cuarto. O Joventut mellorou coa dirección do base macedonio Nenad Dimitrijevic e chegou ao descanso con leve vantaxe (39-41).

No terceiro cuarto, os lucenses volveron liderar o encontro (49-42) despois de 8 puntos de Cvetkovic, pero o Joventut equilibrou novamente o partido cun parcial de 0-7.

Nos minutos definitivos, Nicolás Laprovittola impuxo o seu ritmo e o acerto de Conor Morgan decidiron o partido a prol do equipo de Badalona.

Aleksandar Cvetkovic, Volodymyr Gerun e Sergi Vidal foron os principais anotadores do Breogán con 14, 13 e 12 puntos, respectivamente, polos 16, 13 e 12 de Conor Morgan, Nico Laprovittola e Nenad Dimitrijevic, respectivamente, no Joventut.

DEIXAR UN COMENTARIO

Please enter your comment!
Please enter your name here