O Club Deportivo Lugo enfrontarase ao Levante Unión Deportiva en dieciseisavos de final da Copa do Rei, segundo o sorteo realizado na Real Federación Española de Fútbol (RFEF).
O partido de ida disputarase en Lugo e a volta en Valencia. A ida será no estadio Ángel Carro de Lugo o martes 30 de outubro a partir das 19:30 horas televisado por beIN LaLiga. A volta celebrarase no estadio Ciutat de València o mércores 5 de decembro, segundo a data marcada oficialmente por LaLiga, aínda que falta a confirmación oficial.
