O Breogán e a maxia do Pazo volven gañar en ACB máis de doce anos despois (86-79)

Vendaval breoganista ao inicio (21-11), os 17 puntos de Jerome Jordan e a enerxía de Lucio Redivo (15 puntos) e Volodymyr Gerun (12 puntos) foron decisivos, así como ese sexto xogador que é a apaixonada afección breoganista

Emir Sulejmanovic. Foto de acb.com

O Cafés Candelas Breogán sumou a súa primeira vitoria en Liga Endesa nesta tempada ao vencer a Movistar Estudiantes (86-79).

Unha canastra de dous puntos de Sergi Vidal inauguraba a volta da Liga Endesa a Lugo. Ao comezo, vendaval lucense e, con dúas triplas consecutivas de Emir Sulejmanovic, o Breogán lideraba o marcador coa máxima vantaxe do partido (21-11). Posteriormente, parcial de 2-14 favorable a Estudiantes (13-25) grazas, especialmente, a Goran Suton. Dende aí, intercambios de canastras e o Breogán chegou gañando ao descanso (44-41) por tres puntos.

Na segunda metade, a defensa de Tarence Kinsey, a forza na pintura de Volodymyr Gerun e dúas triplas consecutivas de Lucio Redivo mediado o derradeiro cuarto superaron os intentos de Estudiantes por remontar ante un Darío Brizuela que rematou con 18 puntos.

Jerome Jordan foi o máximo anotador do Breogán con 17 puntos, polos 16 de Cvetkovic, 15 de Redivo e 13 de Sulejmanovic.

Unha noite celeste e feliz.

DEIXAR UN COMENTARIO

Please enter your comment!
Please enter your name here