Javi López: “Aquí hai unha familia”

O primeiro adestrador albivermello resaltou que o Rayo Majadahonda, “con balón, ten un bo comportamento, ten movilidade e xente que ataca aos espazos”

Javi López, en rolda de prensa. Foto de cdlugo.com

Javi López, adestrador do Club Deportivo Lugo, afirmou que “aquí hai unha familia, non un grupo nin un equipo, e xa o amosaron de diferentes xeitos” referíndose ao feito de que nove xogadores baixaron o seu salario e outro, Vasyl Kravets, rexeitou unha oferta do Real Valladolid, equipo de Primeira, por cinco tempadas.

O Rayo Majadahonda será o rival do Lugo o vindeiro luns 10 de setembro no Wanda Metropolitano a partir das 20 horas na cuarta xornada da Liga 1|2|3. Posteriormente, visitará ao Albacete Balompié o xoves 13 a partir das 20 horas na segunda rolda da Copa do Rei e recibirá ao Real Oviedo o domingo 16 a partir das 16 horas. Afirmou que “a economía non da para tanto” ao ser preguntado sobre si viaxarán directamente dende Madrid a Albacete. Declarou que hai que “chegar ben aos partidos para afrontalos con garantías”. Tamén subliñou que “a Liga é o máis importante para todos” e que “combinarán á xente” para os tres partidos da vindeira semana.

Sobre o Rayo Majadahonda, opinou que  precisarán estar “ordenados, facendo un bo traballo defensivo, tendo ao equipo xunto e agresivo”. “Con posesión de balón, vainos esixir moito. Con balón, ten bo comportamento, ten movilidade, xente que se asocia ben, xente que corre ao espazo”, reflexionou. Lembrou que o Rayo Majadahonda ten “interiorizado” que o Metropolitano “é o seu campo”.

Javi López respondeu que “é posible” que haxa algún cambio no once titular. Lembrou que Vasyl Kravets e Giorgi Aburjania son baixas ao ser convocados  coas súas seleccións. Adiantou que recuperan a Cristian Herrera, baixa na pasada xornada por un problema estomacal.

DEIXAR UN COMENTARIO

Please enter your comment!
Please enter your name here