O porteiro lucense Pablo Cacharrón renova co Club Deportivo Lugo

O gardamallas asinou un acordo ata 2020 cunha opción de prorroga ata 2022

Tino Saqués, presidente do Club Deportivo Lugo, e Pablo Cacharrón asinando o acordo. Foto de cdlugo.com

O porteiro lucense Pablo Cacharrón renovou co Club Deportivo Lugo polas dúas vindeiras tempadas, é dicir, ata o 30 de xuño de 2020. Ao rematar este acordo, poderá prorrogarse a vinculación por dúas tempadas máis, ata 2022.

O gardamallas lucense adestra habitualmente co primeiro equipo de Club Deportivo Lugo. Foi convocado en partidos de La Liga 1|2|3 nas pasadas tres tempadas. Competiu en encontros amigables coa camisola albivermella, mais non debutou en choque oficial. Na pasada campaña, foi un xogador máis do primeiro equipo en cada adestramento. Adestra con diferente frecuencia coa primeira plantilla dende 2013.

Cacharrón, de 21 anos, ascendeu a tempada pasada co Club Deportivo Lugo B a Terceira División na penúltima xornada de liga proclamándose campión de grupo e tamén campión absoluto de Preferente. Foi agasallado co galardón ao “porteiro menos batido” de Preferente Norte por parte da Real Federación Galega de Fútbol (FGF).

 

 

DEIXAR UN COMENTARIO

Please enter your comment!
Please enter your name here