O dianteiro lucense Luis Fernández comeza unha segunda etapa no UCAM Murcia C.F.

Luis Fernández. Foto de rcdeportivo.es

O dianteiro lucense Luis Fernández Teijeiro cumprirá a súa segunda etapa no UCAM Murcia C.F. O punta de Burela procede do filial do Real Club Deportivo da Coruña, co que xogou a última tempada en Segunda División B marcando 5 goles en 14 partidos despois dunha grave lesión. O lucense, que xa se formara no Dépor e competiu durante a tempada 2013-2014 co primeiro equipo deportivista, recuperouse nas instalacións deportivistas dunha rotura do ligamento cruzado do xeonllo esquerdo e así xurdiu a opción de competir co Fabril, filial deportivista, para recuperar sensacións. O Fabril rematou en segunda posición no Grupo 1 de Segunda B só por detrás do Rayo Majadahonda.

Luis Fernández, de 24 anos, formouse no Ural C.F. Marcou 27 goles co Fabril, filial do Dépor, na tempada 2012-2013 en Terceira División. Meses antes, sufrira a rotura do ligamento cruzado do xeonllo dereito. Debuta co primeiro equipo do Dépor na tempada 2013-2014 en Segunda División marcando 6 goles en 30 partidos, 13 deles como titular, e acada o ascenso á Primeira. Na seguinte campaña, xoga cedido no Club Deportivo Lugo anotando 5 goles en 26 encontros. No campionato 2015-2016, marcha cedido á S.D. Huesca aportando 5 goles en 29 partidos. Unha tempada despois, ficha pola A.D. Alcorcón, marcando 1 gol en 10 encontros. En xaneiro, ficha polo UCAM Murcia C.F., co que só xoga 5 partidos antes de sufrir a rotura de ligamento cruzado do xeonllo esquerdo.

DEIXAR UN COMENTARIO

Please enter your comment!
Please enter your name here