Javi López: “Tete Morente é un xogador interesante”

Javi López, no seu primeiro partido como primeiro adestrador do Club Deportivo Lugo. Foto de cdlugo.com

Javi López, primeiro adestrador do Club Deportivo Lugo, compareceu en rolda de prensa este mediodía.

O técnico catalán afirmou que están traballando na “saída de balón”, “como construír o xogo” e a “organización defensiva”. Tamén subliñou que irán “incorporando algúns” conceptos de xogo nos vindeiros partidos amigables.

O Club Deportivo Lugo xogou o seu primeiro amigable ante o Racing Villalbés o mércores pasado con vitoria por tres goles a cero. “Fixéronse bastantes cousas ben para ser o primeiro partido” e subliñou o “ritmo” do equipo.

Por outra banda, contestou que Tete Morente, extremo esquerdo do Gimnàstic de Tarragona, é un “xogador interesante” que viu “a tempada pasada”, pero recalcou que son cuestións que son competencia de Emilio Viqueira, director deportivo do Lugo.

Sobre a situación da plantilla, respondeu que estarían “máis cómodos” sen os xogadores transferibles para poder traballar con “dous xogadores por posición” porque “algún xogador pode quedar fóra dalgunhas actividades”. “Sábeme mal, pero é así”, comentou. Considera que as saídas debe producirse “canto antes mellor” para as dúas partes.

 

DEIXAR UN COMENTARIO

Please enter your comment!
Please enter your name here