Jean Marie Dongou, Alberto Varo e Carlos Calderón foron presentados como xogadores do Club Deportivo Lugo

Carlos Calderón, Alberto Varo e Jean Marie Dongou. Foto de cdlugo.com

O porteiro Alberto Varo, o extremo Carlos Calderón o e dianteiro Jean Marie Dongou foron presentados como novos futbolistas do Club Deportivo Lugo.

Alberto Varo afirmou que está “moi ledo” por fichar polo Lugo e “moi agradecido a Emilio (Viqueira, director deportivo do Lugo), ao club, aos xogadores” por como lle “trataron ao chegar”. Definiuse como “moi competitivo e pódese demostrar en cada partido ou cada adestramento”. Subliñou a “confianza do club en todo momento”. “Cando me chamaron, non o dubidei”, comentou. “Alegroume bastante saber que aquí me querían, que contaban conmigo”, explicou. Asegurou que Roberto Fernández, porteiro do Lugo até o final da tempada pasada e novo adestrador de porteiros, acolleuno “moi ben”, polo que está “moi agradecido”. “Estivo pendiente en todo momento de mín”, afirmou.

Pola súa banda, o dianteiro Jean Marie Dongou amosouse “agradecido pola confianza” e espera “recuperar” a súa “mellor versión” despois dun “ano pasado duro pola lesión e por todo”. Emilio Viqueira, director deportivo do Lugo, destacou que confía “ciegamente” en Dongou, “é unha aposta importante” e vai facer “un ano moi grande”. Lembrou que a Segunda “cada ano é dura”.

Por último, o extremo diestro Carlos Calderón comentou que lle “gusta máis xogar pola dereita”. “Son un xogador rápido, con desborde e pode aportar un número de goles importante”, definiuse. Afirmou que é “unha oportunidade moi importante” para el. Tamén asegurou que pode adaptarse “a calquera tipo de xogo”.

 

 

DEIXAR UN COMENTARIO

Please enter your comment!
Please enter your name here